21. Dezember

Hast du gewusst, dass...
...der zweite Weihnachtsfeiertag in Großbritannien „Boxing Day“ heißt?
Dieser Name hat jedoch nichts mit dem Boxsport zu tun, sondern geht auf eine Tradition aus vergangener Zeit zurück. Damals war es üblich, dass Angestellte etwas Weihnachtsgeld von ihrem Chef erhielten. Das Geld überreichte dieser in einer kleinen Schachtel, die auf Englisch „Box“ genannt wurde.

Weihnachtsgeschichte vom Engel mit der schweren Aufgabe

„Des weard woll it uafach weara“, sät dr Engl und streicht sich sorgavoll übr seina Locka.

Ear hot dean Auftrag, passende Viachr z’finda, dia dr Heiliga Familie im Stall Gesellschaft leischta solla.

Huamlig hot ear sie alle zematrommlat und losst sie iatza uan ums andre vorsprecha.
Als earschts drängt sich dr Leeb vor: „I bin dr König untr da Viachr, i han vor nix Angscht“, und dassas dr Engl ja globt, losst ear an mortz Brüllar a! „I zerreiß jedn in dr Luft, dea dem Jesuskind z’näch kommt.“
Dr Engl schittlat sein Kopf – „Des isch z’viel gfährlich. Kuanar soll Angscht hau, wenn ear zu deam Kind in dr Krippa will.“

Als nägschts kommt dr Aff – zoagt wia flink ear isch und turnt vu Balka zu Balka, ear muant, ear wär a nettr Zeitvertreib für dia Heilig Familie. Des war im Engl abr viel z’uruhig für dean Posta – „So an Zinobr kenna miar ir Heilige Nocht it braucha.“

„Nimm doch mi!“, sät dr Fuchs, „i bin a raffiniertr Dieb, für‘s Kind bsorg i dean siaßaschta Honig und dear Wöchnerin, dear steahl i jedn Tag in dr Friah a Henna.“
Abr so a sindhafts Vrhalta isch fürn Engl gar it in Frog komma. Ear weist dean Fuchs in’d Schranka und sät, ear soll sein Lebensunterhalt in Zukunft auf ehrliche Weis vrdiena!

Do stolziert dr Pfau rei, schläht sei Rad und glänzt mit seina Fedra. „I wear dean armseliga Stall a bissla aufmöbla, i wear dean schianr richta, wia dr Salomon sein Templ!“
„Na, du bisch miar z’eitl!“, sät dr Engl.

Dr Hund, - dr Hund wollt o no sei Glück probiera, preist sich als guater Wachhund und muant, ear kennt jedn Dieb vum Stall vrjaga.
„Des zällt do it! Vum Stall, in deam dr Jesus auf’d Welt kommt, soll kuar vrjagt weara!“

Leise schleicht sich o no d’Hauskatz a und miaut in ihrem siaßaschta Singsang: „I han a sanfts Gmiat und tät’s Jesuskind aschlecka, bissas ganz saubr isch!“
Dr Engl schiattla sich und sät: „Des isch guat gmuant, abr aschlecka goht iatz wirklich it!“

So honds no viela Viechla probiert, bloaß dr Ochs und dr Esl sind ganz hinda i dr Egg stauh blieba.

„Was isch mit enk zwoa? Kommat vor zu miar! Warum hond diar enk it vorgstellt? Was kennat diar biata?“

„Miar? Nix!“, sät dr Esl und losst seina Ohra hänga. „Miar hond nix glearnt außr Laschta traga und Karra ziacha, vor uns hot o kuar Angscht, miar sind friedvoll und bescheida! Außerdem sei i bled und faul, saga d’Leit. I wear kua Vorbild für des Kind! I suach miar dussa a Plätzla in dear Heiliga Nocht!“
Und dr Ochs wirft ei: „Dr Esl hot reacht, miar kenna nix, i bin a unkoblatar Brocka. I mecht it, dass sich des Kind vor miar fürchtat! I gang o mit‘m Esl naus und suach miar dussa a Plätzla. Guat, s’Uanziga, was miar eifalla tät, miar kunnta mit eisra Schwänz ab und zua dia läschtiga Fluiga vrschuicha!“

Diar sind genau dia Richitga, kommat mit in dean Stall und leischtat deam Kind Gesellschaft, es weard bald soweit sei!“